Escanos en Branco renuncia a soldos e subvencións tal e como marcan o seu programa electoral e os seus estatutos. Finánciase únicamente coas voluntarias aportacións dos seus simpatizantes.
Para deixar o escano baleiro, os candidatos de Escanos en Branco que obteñan representación non tomarán posesión do escano (non realizarán os trámites legalmente necesarios). Dese xeito non só conseguen que o escano quede baleiro e bloqueado se non que, por lei, non terán acceso a ningún dos beneficios asociados a ese cargo: nin soldos, nin dietas, nin xubilacións especiais. Nada.
Pero é que, a maiores, hai unha serie de recursos adicionais do Estado que se reparten en función do número de escanos obtidos: subvencións para propaganda electoral, subvencións para financiación de campañas electorais, subvencións para financiación de partidos, subvencións para financiación das fundacións asociadas ós partidos e, tamén, a designación doutros cargos como asesores dentro do congreso e outras cámaras. Escanos en Branco renuncia tamén a todos eles.
Todos eses recursos, todo ese diñeiro, ó non poder ser usados por estar asociados ó escano, convírtese nun aforro para o Estado. Visto dende outro punto de vista, é coma se o cidadán fixese recortes sobre os gastos e ingresos dos políticos.
