O noso sistema electoral está configurado de tal forma que entre o 30-55% da poboación con dereito a voto nunca obterán representación.
Pero o camiño para posibilitar a representación parlamentaria a este sector do electorado en forma de escanos baleiros, hai xa tempo que se recorre en toda Europa.
En concreto, en España, hai máis de dez anos que outros partidos ou movementos reivindican esta mellora que se pode enlazar perfectamente con outras grandes reivindicacións da democracia como foi o sufraxio universal, xa que, aínda que se toda a poboación ten dereito a voto, non todos os votos posúen actualmente o mesmo valor.
Escanos en Branco fundouse en Cataluña no 2010 e en dito proceso, optouse pola concreción, é dicir, por reivindicar o cambio de lei electoral para que contemple un tipo de voto que teña representación en forma de escano baleiro. Mentres esta reforma non se faga, o partido Escanos en Branco faina práctica transformando os votos que recibe en escanos baleiros, podendo converterse na ferramenta máis importante para rexenerar a democracia e protexela dos vicios que se puxeron de manifesto durante estes anos.
Porque o que defende e leva a cabo Escanos en Branco é una aspiración universal que non entende de fronteiras. A lei electoral debe respectar o dereito dos cidadáns a non elixir entre as opcións que se lles ofrecen, e ao mesmo tempo non seren excluídos da democracia.
Coa idea de recoller este dereito, nace Escanos en Branco, e ofrécese á cidadanía para que poida mostrar a súa desconformidade con un voto útil e válido, que conte co reparto de escanos dentro dos parlamentos.
